"Ювентус" 1988 йилдан буён бундай ҳолатга тушмаган эди

А Сериянинг 19-турида “Ювентус” ўз майдонида “Аталанта”га қарши баҳс олиб борди ва 3:3 ҳисобида дуранг қайд этди.

Эътиборлиси, туринликлар бундан аввалги турда "Наполи"га 1:5 ҳисобида мағлуб бўлган эди. Шу тариқа улар кетма-кет 2 та ўйинда ўйинда ўз дарвозасидан 8 та гол ўтказиб юборишди.

Маълум бўлишича, “Ювентус” тарихида 1988 йилдан буён бундай ҳолат кузатилмаганди. Ўшанда Турин супер клуби "Болонья"ни 4:3 ҳисобида мағлуб этган, кейин эса "Наполи"га 3:5 ҳисобида имкониятни бой берган.

Эслатиб ўтамиз, А Сериянинг навбатдаги 20-турида "Ювентус" ўз уйида "Монца"ни қабул қилади. Учрашув 29 январь куни бўлиб ўтади.