Ads

Туриннинг “Ювентус” клуби ярим ҳимоячиси Томас Ринкон фаолиятини “Ювентус”нинг ашаддий “душман”ларидан бири бўлган “Торино” жамоасида давом эттиради.

Венесуэлалик футболчи янги мавсумни ижара асосида “буқалар” сафида ўтказади.

“Торино” унинг ижараси учун “кекса синора”га 3 млн евро тўлади. Келгуси йил эса Ринконни 6 млн еврога сотиб олишлари мумкин бўлади.

Маълумот учун, Томас “Ювентус” сафига январ ойида келиб қўшилган эди.