"Ювентус" Хамеснинг трансфери борасида "Реал"га таклиф тайёрламоқда

Туриннинг “Ювентус” клуби “Бавария”да ижара асосида тўп сураётган “Реал” ярим ҳимоячиси Хамес Родригесни ўз таркибига қўшиб олмоқчи.

Таъкидлаш керакки, немис гранди ижара муддати якунига етгач колумбиялик футболчини 42 млн евро эвазига сотиб олиш ҳуқуқига эга, аммо мюнхенликлар буни исташмаяпти. Ўз навбатида Хамес “Реал”га қайтиш истагини билдирмоқда.

Football Italia нашри тарқатган хабарга кўра “кекса синьора” ёзги трансферлар даврида “Реал”га айнан 42 млн евро таклиф қилишмоқчи.

Эслатиб ўтамиз, Хамес жароҳат олиб жорий йил охиригача сафдан чиққан эди.