«Ювентус» Йилдизни «Реал»га сотиш учун нарх белгилади

«Ювентус» қанот ҳужумчиси Кенан Йилдиз «Реал» қизиқиш доирасига тушди. Туринликлар туркиялик иқтидорли футболчини сотиш учун мадридликлардан қанча маблағ талаб қилишини маълум қилди.

Қайд этилишича, «Ювентус» Йилдиз бўйича 150 миллион евро атрофидаги таклифларни кўриб чиқишга тайёр.

Маълумотларга кўра, «Реал» дастлаб «Бавария» ҳужумчиси Майкл Олисени сотиб олишни режалаштирган. Бироқ бу трансфер амалга ошмаганидан сўнг, мадридликлар Йилдиз номзодига эътибор қаратган.

Туркиялик футболчига «Барселона» ҳам қизиқиш билдирмоқда.