Зўрлари Англияда бўлади! "Ювентус" ҳимоячи қидиряпти

«Кристал Пэлас»нинг фланг ҳимоячиси Тайрик Митчелл Италия чемпионатига йўл олиши мумкин. Бу ҳақда журналист Экрем Конур хабар бермоқда.

Манба маълумотига кўра, 27 ёшли футболчига Туриннинг машҳур клуби «Ювентус» жиддий қизиқиш билдирган. Эҳтимолий трансфер қишки ойна — январь ойида амалга ошиши мумкин. Айтилишича, келишув қиймати тахминан 23,3 миллион евро атрофида бўлиши кутилмоқда.

Шу билан бирга, Митчеллга фақат «Ювентус» эмас, балки Англия Премьер-лигасининг бир неча клублари ҳам даъвогарлик қилмоқда, дея таъкидланади хабарда.

Жорий мавсумда Митчелл барча мусобақалар ҳисобга олинган ҳолда олти ўйинда майдонга тушиб, икки бор рақиб дарвозасини ишғол этди. Ҳимоячининг «Кристал Пэлас» билан амалдаги шартномаси келаётган ёзгача мўлжалланган.