Ferrer Bashtaddagi turnir g‘olibi bo‘ldi

Bugun Shvetsiyaning Bashtad shahrida ATP tasnifidan o‘rin olgan “SkiStar Swedish Openturnirining final o‘yini bo‘lib o‘tdi.

Sovrin uchun ukrainalik Aleksandr Dolgopolov va ispaniyalik David Ferrer o‘zaro bahs olib borishdi. 1 soat 26 daqiqa davom etgan uchrashuvda jahonning sakkizinchi raketkasi bo‘lgan Ferrer 6:4, 6:4 hisobida g‘alaba qozondi.

Sovrin jamg‘armasi 540 310 evroni tashkil etuvchi ushbu turnirda g‘alaba qozongan Ferrer faoliyatidagi 27 sovrinini qo‘lga kiritdi.

David Ferrer (Ispaniya) – Aleksandr Dolgopolov (Ukraina)  6:4, 6:4.