Millionerlar turniri finalida ikki ispan o‘ynaydi
Dunyoning eng kuchli tennischilari ishtirokida o‘tkazilayotgan Monakodagi "Masters" turkumiga kiruvchi "Monte-Carlo Rolex Masters - 2017" turniri finalchilari aniqlandi.
Mukofot to‘rt yarim million AQSh dollaridan oshiq bo‘lgan musobaqaning bosh sovrini uchun Ispaniya tennischilari - Rafael Nadal va Alberto Ramos o‘zaro kuch sinshanadigan bo‘ldi.
Musobaqaning yarim final bosqichida Alberto Ramos frantsiyalik Lyuka Puini 6:3, 5:7, 6:1 hisobida mag‘lubiyatga uchratdi.
Rafael Nadal esa belgiyalik David Goffenga hech qanday imkoniyat qoldirmadi - 6:3, 6:1.
Bu ikki ispaniyalik tennischi bungacha ikki marotaba o‘zaro to‘qnash kelgan va har ikki bahsda tajribaliroq bo‘lgan Rafael Nadalning qo‘li baland kelgan.
Izohlar (0)