Ruslarning ishongan bokschisi barcha sovrinlarni boy berdi
AQShning Nevada shtati Las-Vegas shahridagi T-Mobile Arena majmuasida tashkil etilgan professional boks kechasida rossiyalik Sergey Kovalyov yarim og‘ir vazndagi WBA (Super), WBO hamda IBF chempionlik kamarlarini himoya qilish uchun amerikalik bokschi Andre Uordga qarshi ringga chiqdi.
12 raund davom etgan superjang teng kurashlar ostida o‘tdi. Rossiyalik bokschi jangni juda ishonchli boshladi va ikkinchi raundda raqibini nokdaunga ham tushirdi. Kovalyov bor e’tiborini og‘ir va kuchli zarba yo‘llashga qaratdi. Uord esa tezkor va aniq zarbalarni ko‘proq berishga harakat qildi.
Chempionlik jangida Uort tanlagan atktika o‘z samarasini berdi. Uchrashuvda zarbalar hisob-kitobi bilan shug‘ullangan hakamlarning barchasi Andre Uordning 114-113 hisobidagi g‘alabasini ko‘rsatdi.
Shu tariqa, Sergey Kovolyovning WBA (Super), WBO hamda IBF chempionlik kamarlari Andre Uordga o‘tdi.
Fikrlar