Erdo‘g‘an UEFAdan nega norozi?
Prezident Demiralning diskvalifikatsiyasiga oid holat haqida gapirdi
Turkiya prezidenti Rajab Toyib Erdo‘g‘an Turkiya terma jamoasi himoyachisi Merix Demiralning UEFA tomonidan jazolanishi e’lon qilinganidan keyin bayonot berdi.
Avvalroq, futbolchi Evropa chempionatining 1/8 finalida Avstriya terma jamoasiga qarshi uchrashuvda (2:1) shov-shuvli ishorasi uchun ikki o‘yinga diskvalifikatsiya qilingan edi.
- Tashqi ishlar vazirligimiz Germaniya rasmiylarini vazirlikka chaqirdi. Ayni paytda zarur choralar ko‘rilmoqda, — deya Erdo‘g‘anning X ijtimoiy tarmog‘ida so‘zlaridan iqtibos keltirdi turkiyalik jurnalist Yagiz Sabunchuog‘lu.
Eslatib o‘tamiz, voqea "Evro-2024" 1/8 finali doirasidagi Avstriya va Turkiya terma jamoalari o‘rtasidagi uchrashuv (1:2) vaqtida yuz bergandi. Bu o‘yinda Demiral dubl qayd etdi. Futbolchi golni nishonlash chog‘ida turk millatchilarining ishorasini qo‘llagan.

Izohlar (0)