Erik ten Xagni yo‘qotinglar!

“Manchester Yunayted” tarixidagi eng zo‘r to‘purarlardan Duayt York klub rahbariyatini bosh murabbiy Erik ten Xagdan voz kechishga chaqirdi. 
Niderlandiyalik bosh murabbiy yaqinda klub bilan hamkorligini 2026 yilning 30 iyunigacha uzaytirgan edi. 

“MYuga jamoani yana cho‘qqiga olib chiqishga qodir, muxlislar va futbolchilar birdek qo‘llab-quvvatlaydigan bosh murabbiy kerak.  

Erik ten Xag yaxshi mutaxassis, lekin yaxshi mutaxassis bilan yuqori mavqega ega murabbiy o‘rtasida farq bor. “Yunayted”ga hisobida katta yutuqlari bo‘lgan boshqaruvchi kerak. 

“Manchester Yunayted” ana shunday murabbiy olib kelmagunicha, qiyinchiliklari barham topmaydi. Erik ten Xag klubda hech qaerga yashirina olmay qoladi. Agar jamoa mavsum avvalida kutilgan natijalarni bermasa, ser Jim Retkliff Erik ten Xagni zudlik bilan yo‘qotishi kerak", - dedi Duayt York.