Jo‘rabek Karimov bugun kortga chiqadi
Umidli tennischimiz Jo‘rabek Karimov bugun Qatarda davom etayotgan “Fyuchers” turkumiga kiruvchi musobaqaning yakkalik va juftlik bahslarining navbatdagi bosqichida kortga chiqadi.
Jo‘rabek yakkalik bahslarida frantsiyalik Maksim Xamuni 6:2, 6:4 hisobida mag‘lubiyatga uchratdi va ikkinchi davrada gollandiyalik Tim Van Rixtovenga qarshi kortga chiqadigan bo‘ldi.
Juftlik bahslarida tennischimiz hindistonlik Arjun Kade bilan tandemda latviyalik Deyvids Yuksa va rossiyalik Aleksey Vatutin ustidan 6:2, 4:6, 10:5 hisobida g‘alaba qozondi. Endi Jo‘rabek va Arjun chorak finalda shvetsiyalik Markus Eriksson va Sam Taylor bilan raqobatlashadi.
Jo‘rabek Karimovning yakkalik bahslaridagi uchrashuvi Toshkent vaqti bilan 17:00da, juftlik bellashuvlaridagi o‘yini esa 20:00da boshlanadi.
Fikrlar