Kievda ikki nafar hamyurtimiz jang qiladi

Ertaga, Ukraina poytaxti Kiev shahrida professional boks oqshomi bo‘lib o‘tadi. Biz uchun ahamiyatli jihati, mazkur kechada ikki nafar o‘zbekistonlik bokschi navbatdagi janglarini o‘tkazadi. 69,9 kgda Ulug‘bek Sobirov (9-0-0-5 KO) mag‘lubiyatsiz odimlayotgan mezbon Dmitriy Mitrafonov (7-0-1-5 KO) bilan to‘qnash kelsa, 63,5 kg vaznda Shohruh Ashurov (2-1-1) yana bir ukrainalik Yuriy Vishnyakov (4-0-0-2 KO)ga qarshi jang qiladi.
Bugun, vazn o‘lchash marosimi bo‘lib o‘tdi. Unda bokschilarimiz belgilangan vazn me’yorini bajara olishdi.