Meni ishdan “haydash”ga shoshilmang!
Xulosa qilishga hali erta
Bundesliga ishtirokchisi “Borussiya Myonxengladbax” jamoasi bosh murabbiyi Oygen Polyanski oʻz lavozimidan ozod etilishi mumkinligi haqidagi maʼlumotlarga munosabat bildirdi.
Uning aytishicha, hozircha klub ichida vaziyat barqaror va u oʻz ishiga toʻliq eʼtibor qaratgan. Polyanski jamoa bilan ishlashda davom etayotganini va barcha kuchini natijalarni yaxshilashga sarflayotganini taʼkidladi.
Murabbiy, shuningdek, futbolda bunday gap-soʻzlar doimo boʻlishini, lekin ular ish jarayoniga taʼsir qilmasligi kerakligini aytdi. Uning fikricha, eng muhimi – jamoaning oʻyini va natijalaridir.
“Borussiya Myonxengladbax” rahbariyati hozircha rasmiy ravishda hech qanday qaror eʼlon qilmagan va murabbiy oʻz lavozimida ishlashda davom etmoqda.
Polyanski jamoa bilan birgalikda vaziyatni yaxshilash va mavsumni ijobiy yakunlashni maqsad qilganini bildirdi. Ayni paytda jamoa Bundesligada 31-turdan soʻng 32 ochko jamgʻargan holda 11- oʻrinda bormoqda.
Izohlar (0)