«Milan» Ruben Amorim tayinlanganini e’lon qildi

Italiyaning mashhur «Milan» klubi jamoaga bosh murabbiy etib portugalialik mutaxassis Ruben Amorim tayinlanganini e’lon qildi.
 

40 yoshli murabbiy klub bilan shartnoma imzolab, yangi mavsum oldidan «rossoneri»ni rasmiy qabul qilib oldi. Uning so‘nggi ish joyi Angliyaning «Manchester Yunayted» jamoasi bo‘lgan.
 

Amorim murabbiylik faoliyatini 2018 yilda, futbolchi sifatidagi karerasini yakunlagach boshlagan. U avval «Kaza Pia» va «Braga» klublarida ishlagan, eng katta yutuqlariga esa «Sporting» bilan erishgan. Lissabon klubi bilan ikki bor Portugaliya chempioni bo‘ldi, ikki marta Liga kubogini qo‘lga kiritdi va mamlakat Superkubogini yutib oldi.
 

«„Milan“ni boshqarish mening kar’yeramdagi asosiy maqsadlarimdan biri edi. Bu klub nima anglatishini — uning tarixi, nufuzi va butun dunyo bo‘ylab ulkan muxlislar armiyasi borligini juda yaxshi bilaman. Bu chaqiriqni faxr bilan qabul qilaman», — dedi Amorim tayinlovdan so‘ng.

«Milan» rahbariyatining ta’kidlashicha, klub bir necha yildan buyon portugalialik murabbiy faoliyatini kuzatib kelgan. Ularning fikricha, Amorim zamonaviy o‘yin uslubi, yuqori pressingga asoslangan taktika va yosh futbolchilarni rivojlantirish borasidagi mahorati tufayli yangi avlodning eng istiqbolli murabbiylaridan biri hisoblanadi.
 

Eslatib o‘tamiz, Ruben Amorim futbolchi sifatida «Belenenses», «Benfika» klublari hamda Portugaliya terma jamoasi sharafini himoya qilgan.