Neymar Messi va Suarez bilan bir jamoada o‘ynashi mumkin
Neymar 2027 yil yanvarda «Santos»ni tark etib, Lionel Messi va Luis Suarez o‘ynayotgan «Inter Mayami» klubiga o‘tishi mumkin.
Braziliyalik hujumchi Neymar 2027 yil yanvar oyida «Inter Mayami» jamoasiga o‘tishi mumkin.
Braziliya terma jamoasining sobiq yarim himoyachisi Felipe Melo ma’lumotlariga ko‘ra, Neymar «Santos»ni tark etib, AQSh klubiga qo‘shilishni istamoqda. Mazkur jamoa safida hozirda Lionel Messi va Luis Suarez to‘p surmoqda. Neymar 2014–2017 yillarda ular bilan birga «Barselona» tarkibida o‘ynagan.
Neymar – «Santos» tarbiyalanuvchisi. U professional faoliyatini aynan shu klubda 2009 yilda boshlagan. «Santos» bilan birga u bir qator sovrinlarni qo‘lga kiritgan: Kubok Libertadores, Liga Paulista, Braziliya kubogi va Janubiy Amerika Superkubogi.
Braziliyalik forvard 2025 yil yanvar oyida o‘zining sobiq klubiga qaytgan edi.
2026 yil yanvar oyida esa futbolchi «Santos» bilan shartnomasini 2026 yil oxirigacha uzaytirdi.
Neymar – Fransiyaning besh karra chempioni, Ispaniyaning ikki karra chempioni hamda Chempionlar ligasi g‘olibi hisoblanadi.
Izohlar (0)