Terma jamoa bosh murabbiyi o‘zgardi
Yangi bosh murabbiy boshqaradi
Misr futbol assotsiatsiyasi milliy jamoa bosh murabbiyi Husam Hasan bilan hamkorlik yakunlanganini ma’lum qildi. Jamoaga endi Ali Makher boshchilik qiladi.
Assotsiatsiya kengashining shanba kuni bo‘lib o‘tgan yig‘ilishida shu haqida rasmiy qaror qabul qilindi. Bayonnomada tashkilot Hasan hamda uning murabbiylar shtabi va ma’muriy guruhiга ko‘rsatgan mehnati va sadoqati uchun minnatdorchilik bildirib, ularga keyingi faoliyatida omad tiladi.
Husam Hasan 2024 yil fevralidan buyon Misr terma jamoasini boshqarib kelayotgan edi. Uning rahbarligi ostida jamoa 2026 yildagi jahon chempionatiga yo‘llanma oldi va tarixida ilk bor guruh bosqichidan muvaffaqiyatli o‘tib, 1/8 finalgacha yetib bordi. Shuningdek, Misr terma jamoasi 2025 yildagi Afrika kubogida to‘rtinchi o‘rinni egalladi.
52 yoshli Ali Makher o‘yinchi sifatida «Al-Ahli» klubi va Misr terma jamoasi sharafini himoya qilgan. Murabbiylik faoliyati davomida esa u ikki marta Misr ligasi kubogini qo‘lga kiritgan.
Izohlar (0)