Nigina Abduraimova chorak finalda
Mamlakatimizning ikkinchi raqamli tennischisi Nigina Abduraimova Andijon shahrida o‘tayotgan xalqaro turnirda chorak finalga chiqdi.
Sovrin jamg‘armasi 25 ming AQSh dollarini tashkil etuvchi ushbu musobaqaning ikkinchi davrasida Nigina ukrainalik Valeriya Straxova bilan raqobatlashdi. Ushbu uchrashuvda vakilimiz har ikkala setda bir xil 6:3 hisobida zafar quchdi.
Endi N.Abduraimova Xalqaro tennis federatsiyasi tomonidan tashkillashtirilgan turnirning chorak finalida rossiyalik Anastasiya Zaxarova bilan raqobatlashadi.
Fikrlar