O'zbek legionerlari: Yevropa kuboklarida qanday o'ynadi?

«Metallurg» jamoasining sobiq bosh murabbiyi Andrey Razin Sankt-Peterburgning SKA klubi bosh murabbiyligiga da’vogarlar ro‘yxatiga kiritildi. Bu haqida Sports.kz nashri «Shtab xokkеista» tеlеgram-kanaliga tayanib xabar berdi.

Manbaga ko‘ra, yaqin kunlar ichida SKAda bosh murabbiy almashishi mumkin. Nomzodlar orasida Andrey Razin ham borligi qayd etilgan.

Eslatib o‘tamiz, oktyabr oyida Razin yetakchi o‘yinchilar bilan kelishmovchiliklar tufayli vaqtincha jamoa bilan ishlashdan chetlatilgan edi. Shundan so‘ng bosh murabbiy vazifasini uning yordamchisi Vladimir Vorob’yov bajara boshladi. Bugun esa «Metallurg» rahbariyati Razin bilan shartnomani bekor qilishga tayyorlanayotgani ma’lum bo‘ldi.

SKA klubi so‘nggi besh o‘yindagi mag‘lubiyatlar seriyasi ortidan amaldagi bosh murabbiy Igor’ Larionov o‘rniga bir nechta nomzodni ko‘rib chiqmoqda. Razindan tashqari, ehtimoliy vorislar sifatida Benua Gru va Roman Rotenberg ismlari ham tilga olinmoqda.