Ronaldu "Real Madrid"ni tabrikladi

  • 6 mart, 20:28
  • Ali Ahmadxo’jayev
  • 0
  • Futbol
CHERY AUTO

Saudiya Arabistonining "An-Nasr" klubi hujumchisi Krishtianu Ronaldu sobiq klubi "Real Madrid"ni tug‘ilgan kuni bilan tabrikladi.

Bugun, 6-mart kuni, "Qirollik klubi" o‘zining 123 yilligini nishonlamoqda.

"123 yil Madridning "Real" klubiga! Barcha madridistlarni tabriklayman! Olg‘a, Madrid!" – deb yozdi Ronaldu ijtimoiy tarmoqdagi sahifasida.

Eslatib o‘tamiz, portugaliyalik futbolchi 2009 yildan 2018 yilgacha "Real" safida o‘ynagan. Ushbu davr mobaynida u barcha turnirlarda 438 ta o‘yinda maydonga tushib, 450 ta gol urgan va 131 ta golli uzatmani amalga oshirgan.

2023 yil boshidan buyon 40 yoshli Ronaldu "An-Nasr" klubida to‘p surmoqda. Uning jamoa bilan tuzgan shartnomasi ushbu yozda yakunlanadi.

Fikrlar

Sort comment:
Fikr qoldirish uchun avtorizatsiyadan o'ting!