Uni "Chelsi"da kutishmoqda, ammo...

"Roma" hujumchisi Temmi Abraham mavsumlar oralig‘ida jamoani tark etmaydi, deb xabar bermoqda La Gazzetta dello Sport.

Oldinroq Britaniya OAVlari «Chelsi» futbolchini qaytarib olmoqchiligi va hatto hujumchi uchun 67 million evro taklif qilgani haqida yozishgandi.

Eslatib o‘tamiz, 24 yoshli angliyalik futbolchi “Roma”ga 2021 yilning yozida “Chelsi”dan ko‘chib o‘tgan edi. Uning “bo‘rilar” bilan amaldagi shartnomasi 2026 yilning yoziga qadar mo‘ljallangan.

Abraham joriy mavsum jami 29 ta o‘yin o‘tkazib, 15 ta gol urdi va 3 ta golga assistentlik qildi.