Xaviga zo‘r ish chiqdi

“Barselona” bosh murabbiyligini tark etganidan beri ishsiz yurgan Xavi Ernandes tez orada yana murabbiylik faoliyatiga qaytishi kutilyapti.

Jurnalist  Matteo Morettoning ma’lum qilishicha, ispaniyalik mutaxassis yaqinda Saudiya Arabistonining  “Al-Ittihod” jamoasi bosh murabbiyligidan iste’foga chiqarilgan Loran Blan o‘rnini egallashi mumkin.

Manbaga ko‘ra, “Al-Ittihod” rahbariyati Xavi bilan hamkorlik masalasida muzokaralarni boshlab yuborgan. Shunga qaramay, ispaniyalik mutaxassis bosh murabbiylikka yagona nomzod emas.

Xavi 2021-2024 yillar davomida “Barselona”da ishlagan va uning qo‘l ostida kataloniyaliklar Ispaniya chempionati va mamlakat Superkbogida g‘olib chiqqan. Xavi murabbiylik faoliyatini o‘zi o‘ynagan Qatarning “As-Sadd” jamoasida boshlagan va arab futbolini yaxshi biladi.