Гаттузо "Наполи"ни кучайтирадиган футболчини кутяпти
А Сериянинг кучли клубларидан ҳисобланган “Наполи” қишки трансферлар вақтида янги футболчиларни олишга қарор қилди.
Биринчи навбатда, неаполликлар “Челси” ҳимоячиси Эмерсонни олишни режалаштирмоқда. Бразилиялик футболчини олишни бош мураббий Женнаро Гаттузо талаб қиляпти. Томонлар бу трансфер бўйича дастлабки музокараларни бошлади.
“Челси” раҳбарияти Эмерсонни қишда кетиши керак бўлган футболчилар рўйхатига киритган. Шу боис, “Наполи” мақсадига етиши учун жиддий тўсиқ йўқ.
Лондонликлар янги мавсумда бирорта учрашувда майдонга тушмаган Эмерсонни 18 миллион еврога баҳоламоқда. Бироқ, келишувлар самарали кечса, бу сумма пасайтирилиши мумкин.
Комментарии