Месси энди “Барселона” футболчиси эмас!
Лионель Месси ва “Барселона” ўртасидаги можаро тобора чуқурлашиб бормоқда. Клубда тиббий кўрикдан ўтиш ва Куман машғулотларига келишдан бош тортган аргентиналик юлдуз энди “Барселона” раҳбариятини Ла Лигада ўйнамаслиги ҳақида огоҳлантирди.
Месси айни пайтда ўзини “Барса” ўйинчиси эмаслигини уқтирмоқда. Шунинг учун клуб базасига келишга мажбур эмаслигини таъкидламоқда. У биринчи машғулотга етиб кела олмаслиги маълум бўлган.
Агар Месси раҳбариятга қарши бош кўтаришда давом этса, мажбуриятларини бажармагани ва 11 кундан 30 кунгача клуб ихтиёрига келмагани учун маошининг 25 фоизидан айрилиши мумкин. Мессининг бир кунлик маоши 110 минг еврони ташкил қилади.
Мессининг ўзи айни пайтда клуб олдида ҳеч қандай мажбурияти йўқлиги учун уни жазога тортиш нотўғри эканини айтмоқда.
Комментарии