Англия ва Италия чемпиони бўлган машҳур дарвозабон фожиали ҳалок бўлди

Австриялик дарвозабон Александер Маннингер автомобиль ҳалокати оқибатида 48 ёшида вафот этди. Бу ҳақда Австриянинг “Ред Булл Зальцбург” клуби матбуот хизмати Х ижтимоий тармоғида хабар берди.

Маълум бўйича, Маннингер автомобилда темирйўл кесишмасининг назоратсиз қисмидан ўтаётганида унинг машинасини поезд уриб кетган. 

- Биз собиқ дарвозабонимиз Александер Маннингернинг вафоти муносабати билан чуқур қайғудамиз. У йўл-транспорт ҳодисасида фожиали тарзда ҳалок бўлди.

Бизнинг ўй-хаёлларимиз айни пайтда унинг оиласи ва дўстлари билан. Алвидо, Александер, - дейилади хабарда.

48 ёшли Александер Маннингер “Ред Булл Зальцбург”дан ташқари Англиянинг “Арсенал”, Италиянинг “Фиорентина”, “Болонья”, “Сиена”, “Ювентус”, “Удинезе”, Германиянинг “Аугсбург”, Испаниянинг “Эспаньол” каби клубларида тўп сурган. “Арсенал” таркибида у Англия чемпиони (1997-1998 йилги мавсум), “Ювентус” сафида эса Италия чемпиони (2011-2012 йилги мавсум) бўлган.

Шунингдек, Австрия миллий терма жамоаси сафида 33 та учрашувда иштирок этган.