Евро-2020. Бельгия - Россия: Менье жамоасининг иккинчи голини киритди! (матнли трансляция)

Ассалому алайкум, қадрли футбол ихлосмандлари! Европа чемпионати 1-туридан ўрин олган Бельгия - Россия тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

Бельгия

  • Ромелу Лукаку 10', 88'
  • Тома Менье 34'

Чемпионат Европы. Группа B 1-тур

13/06/2021, 00:00

3
:
0
Тугади

Россия

    Стадион: Saint Petersburg Stadium 26264 томошабин

    Бош ҳакам: Antonio Mateu

    45'
    90'

    • 90+2'

      Учрашув якунланди. Бельгия турнирни йирик ҳисобдаги ғалаба билан бошлади!

    • 90'

      Ўйиннинг асосий вақтига 2 дақиқа қўшиб берилди.

    • 90'

      Россияликлар жарима майдони чизиғи олдида стандарт вазиятни қўлга киритди.

    • 88'

      ГОООООООООЛ! Лукаку ҳисобни йирик кўринишга келтирди!

      Дарвозабон билан деярли бирга-бир вазиятга чиқиб борган Ромелу дублни расмийлаштирди.

    • 86'

      Бугун Россия терма жамоаси ҳужумда анча оқсамоқда. Улар кўзга кўринарли битта вазият ярата олди, холос.

    • 84'

      Жарима майдонига оширилган тўпни Бойата ўз дарвозасига киритиб юборишига бир баҳя қолди. Унинг бахтига тўп устун ёнгинасидан ўтиб майдонни тарк этди.

    • 83'

      Дендонкер рақибини йиқитди. Русларда стандарт вазият.

    • 80'

      Мартинес майдонга туширган футболчилар ўйиннинг боришига таъсир кўрсата олди.

    • 78'

      Ака-ука Азарлар ўзаро комбинация уюштирди. Бироқ Эденнинг ноаниқ узатмасига Торган ета олмади.

    • 77'

      Ян Вертонген ва Янник Карраско захирага олинди. Улар ўрнига Томас Вермален ҳамда Денис Прат ўйинни давом эттиради.

    • 76'

      Алексей Миранчукнинг рейдини Бойата тўхтатишга муваффақ бўлди.

    • 74'

      Россия қанча ҳаракат қилмасин, рақибга бас келишнинг имкони бўлмаяпти.

    • 72'

      Ян Вертонгенга тиббий ёрдам кўрсатилмоқда.

    • 71'

      Дрис Мертенс ўз ўрнини Эден Азарга бўшатиб берди.

    • 69'

      Артём Дзюба воқеалар ривожидан бироз илгарилаб кетди.

    • 67'

      Ўйин темпи пасайди. "Қизил иблислар" тўпни ўз назорати остида ушлаб турибди.

    • 65'

      Черчесов шогирдлари рақиб ярим майдонида тўпни назорат қилмоқда.

    • 63'

      Роман Зобнин ва Денис Черишев майдондан олинди. Улар ўрнига Алексей Миранчук ва Максим Мухин ўйинга қўшилди.

    • 62'

      Мертенснинг бурчакдан етказиб берган тўпини Шунин узоқлаштирди.

    • 60'

      Бельгияда "брак" паслар сони ортмоқда. Ташаббус руслар томонга ўтиб кетяпти.

    • 58'

      Дзюба ўзидан қулайроқ позицияда турган Головинни тўп билан таъминлай олмади. 

    • 56'

      Россиялик футболчи ўйиндан ташқари ҳолатда қолиб кетди. Руслар осонликча тўп йўқотмоқда.

    • 54'

      Денис Черишев ҳужумда қўполлик ишлатди. Куртуа эркин зарба билан тўпни ўйинга киритиб беради.

    • 52'

      Қоидабузарликлар иккинчи таймда ҳам бироз кўп бўлмоқда. Лаос футболчиларга ўзларини босиб олиши лозимлигини тушунтиришдан чарчамаяпти.

    • 50'

      Жарима майдонига оширилган тўпни Куртуа муштлари билан уриб юборди.

    • 48'

      Ҳисобда олдинда боораётган бельгияликлар прессинг уюштиришдан чарчамаяпти.

    • 46'

      Иккинчи тайм бошланди!

    • 46'

      Бўлимлар оралиғида Черчесов яна бир ўзгаришга қўл урди. Бу сафар Баринов ўз ўрнини Дивеевга бўшатиб берди.

    • 46'

      Футболчилар майдонга қайтди. Биз ҳам қайтамиз!

    • 45+4'

      Танаффус!

    • 45+3'

      Мартинес шогирдлари бўлим сўнгини ҳам ташаббусни қўлга олган ҳолда ўтказмоқда.

    • 45+2'

      Каррасконинг кучли зарбасидан кейин тўп тўсин юқорисидан ўтиб кетди.

    • 45'

      Биринчи бўлимдаги тўхталишлар ўрнини қоплаш мақсадида 4 дақиқа қўшиб берилди.

    • 43'

      Россиялик ҳимоячилар Карраскога зарба бериш имкониятини қолдирмади.

    • 42'

      Жирков давом эттира олмади. Унинг ўрнига Караваев ўйинни давом эттиради.

    • 40'

      Ўйин Мартинес шогирдларининг кичик устунлиги остида давом этмоқда.

    • 38'

      Дзюба ўйиндан ташқари ҳолатда қолиб кетди.

    • 36'

      Юрий Жирковга тиббий ёрдам кўрсатилди. 37 га кирган футболчида ёш фактори ўз сўзини айтмоқда.

    • 34'

      ГОООООООООЛ! Бельгия ҳисобни ишончли кўринишга келтирди!

    • 32'

      Тўқнашувлар сони ортиб кетмоқда. Футболчилар бироз эҳтиёткорликни оширишга мажбур бўляпти.

    • 30'

      Черчесов таваккал қилмади. Далер Кузяев ўз ўрнини Денис Черишевга бўшатиб берди.

    • 29'

      Тоби Алдервейрелднинг олис масофадан берган зарбасига аниқлик етишмади.

    • 28'

      Далер Кузяевнинг боши махсус боғич билан боғлаб қўйилди.

    • 27'

      Тимоти Кастань майдонни тарк этди. Унинг ўрнига Тома Менье ўйинга қўшилди.

    • 26'

      Вазият у қадар ёмон эмас. Бироқ Кастань ҳамон майдонда ётибди.

    • 26'

      Футболчилар ўзаро тўқнашиб кетди. Тиббиёт ходимлари уларнинг ҳар иккисига ёрдам кўрсатмоқда.

    • 24'

      Жарима майдонига кирган Карраско Фернандесни алдай олмади. Марио тўпни майдон ташқарисига чиқариб юборди.

    • 22'

      Рус мудофааси "мудрамоқда". Бу сафар Жикиянинг хатосидан кейин Азар зарба йўллади. Дарвозабон жамоасини голдан сақлаб қолди.

    • 20'

      Сўнгги 2-3 дақиқада Мартинес шогирдлари фаолроқ ўйнамоқда. Энди хавф Шунин дарвозаси қаршисида юзага келяпти.

    • 18'

      Лукаку тезкор қарши ҳужумга ўтди ва жамоадошини қулай имконият билан таъминлади. Аммо Дендонкернинг зарбасига аниқлик етишмади.

    • 18'

      Россияликлар кетма-кет ҳужумлар уюштирмоқда. Бельгия ҳимоясига осон бўлмаяпти.

    • 16'

      Оздоевнинг жарима майдони ташқарисидан йўллаган зарбасига аниқлик етишмади.

    • 14'

      Марио Фернандеснинг бош билан йўллаган зарбасини Куртуа ушлаб олди.

    • 13'

      Головин фаол ҳаракатлари билан жамоасига бурчак зарбаси ишлаб берди.

    • 12'

      Гол уриб олган бельгияликлар ҳужумкорликни давом эттирмоқда.

    • 10'

      ГОООООООООЛ! Бельгия ҳисобни очди!

      Жарима майдони ичида тўпни рақибдан олиб қўйган Лукаку дарвозани аниқ нишонга олди.

    • 8'

      "Қизил иблислар" рақиб шаштини пасайтириш учун тўп назоратини қўлга олмоқда.

    • 6'

      Черчесов шогирдлари ҳазиллашмаяпти. Бу сафар улар бурчак зарбаси ишлаб олди.

    • 4'

      Кутилмаганда, руслар ўйинни фаоллик билан бошлади. Улар бир неча ҳужум уюштиришга улгурди.

    • 2'

      Лукаку ва Баринов ўзаро тўқнашиб кетди. Ҳайрият, Дмитрийнинг ҳолати яхши.

    • 1'

      Ўйин бошланди!

    • 0'

      Сардорлар иштирокидаги расмий жараёнлар ортда қолди. Старт учун барчаси тайёр!

    • 0'

      Футболчилар майдонга тушиб келди. Миллий мадҳиялар янграмоқда.

    Матнда хатолик топсангиз, ўша хатони белгилаб, бизга жўнатинг (Ctrl + Enter)

    Минбар

    Барча блоглар