Месси Аргентина миллий терма жамоа сафида илк совринини ютди
Javokhir Azimov
Энди Леода ҳам америка чемпионлиги бор.
Бироз аввал Аргентина ҳамда Бразилия терма жамоалари ўртасидаги Америка чемпионати финал учрашуви якунланди. Унда Месси бошчилигидаги номинал мезбонлар 1:0 ҳисобида зафар қучди.
Ўйин тақдирини ҳал этган ягона гол 22-дақиқада Анхель Ди Мария томонидан киритилди. Ҳимоячининг хатосидан кейин бирга-бир вазиятга чиқиб борган ПСЖ футболчиси тўпни дарвозабоннинг устидан ошириб тўрга йўллади.
Шу тариқа, Лео Месси "альбиселесте" сафида ўзининг илк совринини қўлга киритди. Маълумот учун, бу 6 карра "олтин тўп" соҳибининг миллий терма жамоа билан "Копа Америка"даги 6-уриниши ҳисобланади.
Изоҳлар (0)