Мартин Касерес қийналиб кетди

“Ювентус” клуби собиқ ҳимоячиси Мартин Касерес ҳамон ўзига янги жамоа қидириш билан овора.

Сўнгги маълумотларга кўра, уругвайлик футболчи ўз фаолиятини Англия чемпионатида давом эттириши мумкин. Унинг хизматларига “Саутгемптон” қизиқиш билдирган. 29 ёшли футболчи тиббий кўрикдан ўтиш учун “туманли альбион” келади.

Айни вақтда Касерес эркин агент бўлгани учун истаган жамоага қўшилиши мумкин. Бунинг учун трансфер ойнасини кутиш шарт эмас.  

Аввалроқ Касерес “Милан” билан музокаралар ўтказди, аммо томонлар молиявий шартларни келиша олмади. Шунингдек, уругвайлик футболчи “Локомотив Москва” билан ҳам музокара олиб борган.