Сермаҳсул ҳимоячилар

Сермашул ҳимоячилар – бу сўзни эшитганимизда кўпчилик кўз ўнгида Серхио Рамос гавдаланса, ажаб эмас. Аммо футбол оламидаги тўпурар ҳимоячилар орасида Рамос зикр этилмаган. Қуйида биз сизларни улар билан таништирамиз.

Бу ерда Роналду ва Мессига ўрин йўқ ёхуд европанинг энг яхши дриблингчилари

Рональд Куман – 253 та гол

Орқа чизиқ вакиллари орасида сермаҳсуллик борасида “Эвертон”нинг амалдаги мураббийга тенг келадигани йўқ. Куман бундан бир муддат аввал “Барселона” ҳужумчиси Лионель Мессини жамоа сафида жарима зарбаларидан энг кўп гол киритган футболчи бўлгани билан табриклаган эди. Эътиборлиси, бу борада Мессидан олдинги рекорд айнан голландиялик собиқ футболчига тегишли эди. Айтиб ўтиш керак, 253 та гол баъзи ҳужумчилар учун орзунинг ўзгинасидир. Тўғри, Рональд Куманга бунча гол киритиш учун 763 та ўйин керак бўлганини қайд этмай иложимиз йўқ.

Фернандо Йерро – 163

Испаниялик энг сермаҳсул ҳимоячи Рамос ҳам Пике ҳам эмас, балки, Йерродир. “Реал” клуби афсоналаридан бири бўлган Йерро ҳужумга бироз яқин жойда ҳаракат қилгани бор гап. Аммо шуни таъкидлаш керакки, Фернандо Йерро 1991/92 йилги мавсумда 26 та тўп киритишга муваффақ бўлган. Ҳозирда Рамос тугул, “Реал”нинг асосий ҳужумчиси Карим Бензема ҳам мавсум давомида шунча гол кирита олишига ишонч кам.

Юлдузлар фабрикаси – “Cевилья”

Лоран Блан – 154

“ПСЖ” клубининг собиқ мураббийи фаолиятини “Монпелье”да ярим ҳимоячи амлплуасида бошлаган бўлса-да, Жаҳон ва Европа чемпиони бўлган Блан асосан марказий ҳимояда ўйнаган. Яна бир жиҳат, Лоран Блан қай бир жамоада тўп сурмасин, ўша жамоа сафида битта бўлса ҳам гол киритишга эришгандир.

“Ҳамма ҳужумга” ёхуд бу мавсум топ-5 жамоалари орасида энг кўп гол киритган 5 та жамоа

Тулио Танака – 114

Келиб чиқиши италиялик бўлган Маркус Тулио Танака юртимиз футбол ихлосмандларига таниш десак, муболаға қилмаган бўламиз. Танака Осиё футболи тарихидаги энг сермаҳсул ҳимоячи саналади. Осиёда Европадаги сингари у қадар кўп ўйинлар бўлиб ўтмаслигини инобатга оладиган бўлсак, Танака учун ушбу натижа жуда ҳам аълодир.

Эдгардо Бауса – 109

Аргентина терма жамоасининг амалдаги мураббийи фаолияти давомида Аргентина, Колумбия ва Мексика сингари мамлакат жамоаларида тўп сурган ва 499 та ўйинда 109 та гол киритган. Бу деярли ҳар 3 та ўйинда 1 та гол демакдир.

Жон Терри – 72

“Челси” жамоасининг тирик афсоналаридан бири бўлган Терри бутун фаолияти давомида 72 та гол киритишга муваффақ бўлган. Унинг катта ютуғи стандарт вазиятларда керакли вақтда, керакли жойда бўла олганидир, десак муболаға қилмаган бўламиз.

Шаҳзод Холбоев тайёрлади