Юлдузлар фабрикаси – “Севилья”

“Севилья” жамоаси жаҳон футболида етарлича обрў-эътиборга эга жамоа саналади. Айниқса, Европа лигаси(УEФА кубоги)ни ютиш борасида устаси-фаранглардан. Биз эса сўнгги йилларда ушбу жамоадан етишиб чиққан ва ката сумма эвазига сотилган футболчилар билан сизларни таништирамиз.

“Манчестер Юнайтед”нинг “ўхшамаган” трансферлари. Топ-5

“Ҳамма ҳужумга” ёхуд бу мавсум топ-5 жамоалари орасида энг кўп гол киритган 5 та жамоа

2019 йилги Еврокубоклар финали қайси стадионларда бўлиши мумкин?

Хосе Антони Рейес

17 ёшида ёшлар жамоасидан асосий таркибга ўтказилган Рейес келгуси мавсумларда аста-аста асосий таркибдан муқим жой олади. Реес 21 ёшга тўлгач эса уни  Венгер “Арсенал”да кўришни истаб қолади ва футболчи учун андалусияликларга 25 млн фунт тўлайди. Кейинчалик фаолиятини “Реал”, “Атлетико”, “Бенфика” каби жамоаларда давом эттирган Рейес 2012 йилдан яна қадрдон жамоасига қайтиб келади ва 2016 йилдан эътиборан эса “Эспаньол”да тўп суриб келмоқда.

Серхио Рамос

“Севилья” тарбияланувчиси бўлган энг машхур инсон шубҳасиз – Серхио Рамосдир. Аммо сўнгги вақтларда Рамосда “Севилья” мухлислари билан келишновчиликлар юзага келгани рост. Рамос асосан “Севилья”нинг ёшлар жамоасида тўп сурган. Ла лигадаги дебютидан бир неча ой ўтиб эса уни “қироллик клуби” ўз сафига қўшиб олади. Мадридликлар Рамос учун 27 млн еврони “Севилья” ҳисоб рақамига ўтказиб беради. Қайд этиш жоиз, Серхио мана салкам 12 йилдан буён “Сантьяго Бернабеу”да тўп суриб келмоқда. Айтганча, Рамос билан бирга бразилиялик Жулио Баптиста ҳам “Реал”га трансфер қилинади. Баптистанинг трансфер нарҳи эса 20 млн еврони ташкил этган эди.

Дани Алвес

Бразилиянинг “Баия” клуби тарбияланувчиси бўлган Дани Алвес 2001 йил “Севилья”га кўчиб ўтади ва ўз эма, кўп эмас 6 йил “Рамон Санчес Писхуан”да ўйнайди. Андалусия клуби билан УEФА суперкубоги, УEФА кубоги, Испания кубоги ва Суперкубогини қўлга киритишга муваффақ бўлган бразилиялик ўнг қанот ҳимоячиси 2008 йил 35,5 млн евро эвазига “Барселона” сафига бориб қўшилади.

Алваро Негредо

Негредо “Райо Вальекано” клуби тарбияланувчиси саналади ва у ердан “Реал Мадрид Кастилья” жамоасига бориб қўшилган футболчи бош жамоада тўп сура олмагач, “Алмерия”га кетади. Икки масвум шу клубда тўп сурган Негредо, яна “Реал”га қайтади. 2009 йил “Севилья” билан битим тузган ҳужумчи жамоада 4 йил тўп суриб, 150 га яқин ўйин ўтказади ва 80 та гол киритишга эришади. 2013 йил эса “Манчестер Сити”га 25 млн евро эвазига сотиб юборилган Алваро ҳозирда ижара асосида “Мидлсбро”да ўйнамоқда.

Хесус Навас

Навас “Севилья” академияси тарбияланувчиси бўлган Навас ушбу жамоада 10 йил ўйнайди ва 25 млн евро эвазига Негредо сингари “Манчестер Сити”га сотиб юборилади. Таъкидлаш жоиз “Севилья” билан 6 та соврин ютган Навас “Сити” билан бор-йўғи 3 та турнирда ғолиб чиқди холос.

Иван Ракитич

Ракитич 23 ёшида “Шальке”дан таклиф этилган бўлиб, Мичель ва Марселино бош мураббий бўлган вақтларда ярим ҳимоянинг барча позицияларида ўйнаб кўрган футболчи Унаи Эмери даврида жамоа сардори бўлишга ҳам эришади. Барчага яхши маълумки, хорватиялик футболчи ҳозирда “Барселона” сафида фаолият юритиб келмоқда. Ўз навбатида каталонияликлар уни қўлга киритиш учун 18 млн евронинг баҳридан кечганини таъкидлаш лозим. Тўғри, Ракитич юлдуз футболчи эмас, аммо жамоага 18 млн евро фойда келтирганига алохида тўҳталмасак бўлмайди.

Карлос Бакка

“Севилья”даги икки мавсум давомида Бакканинг трансфер нарҳи 3 баробар кўтарилди. Амалда “Брюгге”дан ҳарид қилинган колумбиялик форвард ҳарид қилинганидан 4 баробар қиммат нарҳга “Милан”га пулланади.

Гжегож Крыховяк ва Кевин Гамейро

“Севилья” футболчиларни сотиш борасида унча-мунча жамоаларга дарс бера олади. Крыховяк ва Гамейро жамоада мос равишда икки ва 3 мавсум тўп тепишган бўлса, сўнгги икки йилдаги Европа лигаси финалида ўйнади. Гамейро эса ҳар уччала финалда ҳам бош қаҳрамон бўлгани ҳеч кимнинг ёдидан кўтарилмаган бўлса керак. Ушбу икки футболчи жами 65 млн еврога сотилганига нима дейсиз…

Шаҳзод Холбоев тайёрлади