13 avgust kuni Toshkentda bo‘lib o‘tadigan super boks oqshomiga qadar yana qanday tadbirlar tashkil etiladi?

Barcha 13 avgust kuni bo‘lib o‘tadigan professional boks oqshomini kutayotgan bo‘lsa ajab emas. Chunki, Lift promouterlik kompaniyasi tomonidan super jang oqshomi tashkil etilishi kutilmoqda. Albatta, Fazliddin G‘oibnazarov, Shahobiddin Zoirov, Xebert Konseysao, Lazizbek Mullajonov, Mujibullo Tursunov kabi bokschilarning ringga ko‘tarilishining o‘ziyoq bizni "qaynoq" va shiddatli jang kechasi kutib turganligini anglatadi.

Albatta, mazkur jang kechasidan avval o‘tkaziladigan tadbirlar ham barchani birdek qiziqtirayotganligi aniq. Biz ushbu masala yuzasidan LIft promouterlik kompaniyasi direktori Akromxodja Shadixodjaev bilan bog‘landik. Ushbu mutaxassisni saytimizga ma’lum qilishicha, 11 avgust 16:00 dan boshlab, OAV va matbuot xodimlarini akkreditatsiyadan o‘tkazish jarayoni boshlanadi. 17:00 da esa qur’a tashlash va matbuot anjumani tashkil etiladi. 

12 avgust kuni 16:00-17:00 da vazn o‘lchash va FACE TO FACE marosimi bo‘lib o‘tadi. 13 avgust kuni 18:00 dan "Xumo Arena"da janglar boshlanadi. 

Barchangizni "Xumo Arena"da kutib qolamiz!

Va nihoyat, braziliyalik Tokio Olimpiadasi chempioni O‘zbekistonga kelmoqda!