Расман! Килиан Мбаппе ПСЖни тарк этишини эълон қилди

Ҳар трансферлар ойнасида очилганида Килиан Мбаппенинг "Реал"га ўтиши ҳақидаги миш-мишлар ва хабарлар интернет оламини эгаллаб олади. Ваниҳоят бу воқелик амалга ошишга яқин турибди. 

Расман Килиан Мбаппе ПСЖни мавсум сўнггида тарк этишини эълон қилди. У қуйидаги сўзлар ила жамоа мухлислари билан хайрлашди:

"Бу қийин. Мен Франция, Лига 1'ни тарк этаётганимни маълум қилиш бунчалик мушкул иш эканлигини билмагандим, лекин менга 7 йилдан сўнг янги чақирув керак деб ўйлайман".

Мбаппе 2017 йилда парижликлар сафига келиб қўшилганди. Бир йилдан кейин клуб уни 180 миллион еврога сотиб олган. Шундан бери футболчи ПСЖ таркибида 306 та ўйин ўтказиб, 255 та гол урди ва 108 та ассист амалга оширди. Шу билан бирга, 6 марта миллий чемпионат, 3 бора Франция кубогига эга чиқди.