Фанатлар Ҳусанов мурожаатига жавоб беришди!
Абдуқодир ҳақида нималар дейишяпти?
“Манчестер Сити” фаолиятини ёритиб бораётган ижтимоий тармоқларда ўзбекистонлик легионер Абдуқодир Ҳусановнинг клуб фаолияти ҳақидаги фикрлари келтирилди.
Маълумки, 22 ёшли ҳимоячи кичик жароҳати туфайли Ўзбекистон миллий терма жамоасининг ноябрь ойидаги ўқув-машғулот йиғинидан озод қилинди ва айни пайтда “Манчестер Сити” таркибида спорт формасини тиклашга ҳаракат қилмоқда.
- Мен ушбу клубда ўйнаётганимдан фахрланаман. “Манчестер Сити”нинг ажойиб мухлислари бор. Улар сафарда ҳам, ўз майдонимизда ҳам жамоани кўпчилик бўлиб қўллаб-қувватлашади. Бу футболкани кийиш - катта масъулият.
Мухлисларнинг қўллаб-қувватлаши мен учун жуда катта аҳамиятга эга. Мен уларга шахсан миннатдорлик билдирмоқчиман, ҳатто қийин пайтларда ҳам улар биз билан бирга бўлишяпти.
Биз улар учун янада кўпроқ совринларни қўлга киритишни истаймиз. Албатта, менинг орзум – Европа Чемпионлар лигасида ғолиб чиқиш, - деди Абдуқодир Ҳусанов.
“Манчестер Сити”нинг дунё бўйлаб ёйилган фанатлари ўзбек футболчисининг бу фикрларига ўз муносабатини билдирди. Sports.uz портали ушбу изоҳларни ўқувчилар эътиборига ҳақола қилади.
Adoma Belinda:
Ҳусанов, сен дарвозада Доннарумма турган ҳолда Чемпионлар лигасида ғолиб чиқмоқчимисан?
Piscer Lager (Adoma Belinda фикрига жавоб)
Ишонсак бўлади, менимча, Рулли яхшироқ ўйнай олади.
Alabama Adakole:
Adoma Belinda, худди шундай-да!
Gladys Kinya:
ПСЖ айнан Доннарумма билан Чемпионлар лигасида ғолиб бўлган.
Mafeng Pam:
Adoma Belinda, мен ҳам шу ҳақда ўйлаяпман!
Victor Jangaya:
Ҳа, албатта. Ҳақиқий илҳомлантирувчи инсон хатоларга йўл қўйиши ва улар устида ишлаши билан ажралиб туради.
Mpho L. Kgaladi:
Биз ҳам “шаҳарликлар” мухлиси сифатида Ҳусановнинг орзулари ушалишини истаймиз.
Samson Zimba:
Ҳусанов – бизнинг садоқатли, кучли ва тезкор ҳимоячимиз.
Musawenkosi Gatsheni:
Абдуқодир, аммо дўстинг Доннарумма кетма-кет хатолар қилмоқда.
Saman Hamad Kumia Saied:
Орзуларинг амалга ошсин, Ҳусанов!
Mx Max:
Ҳаммаси жойида. Биз финалгача етиб боришимиз ва 70-дақиқагача битта гол фарқи билан олдинда боришимиз мумкин. Доннарумма хато қилмаганини эслаб қолади. “Манчестер Сити”нинг Чемпионлар лигасидаги жойи финал...
Victor Jangaya:
Аммо ҳеч нарса осон бўлмайди ва биз фақат интилишда давом этамиз.
Muhamad Wa Bakali:
Ҳусанов “Сити” футболчилари учун мотивация манбаи.
Paytone Musambila Hammooya:
Абдуқодир – тезкор ҳимоячи, югуришда чаққон ва кучли.
Vivienne Howlett:
Ажойиб футболчи.
Joseph Mcdecel:
Ҳусанов, энди сен ҳам жаноблардек фикрлаяпсан.
Bryant Kofikingstone:
Агар дарвозада Доннарумма турган ҳолда чемпионликни қўлга киритсангиз, ҳимояга албатта алоҳида совға керак бўлади.
Yaya Ketelle:
Ҳусанов, биз Чемпионлар лигасида ғолиб бўламиз, иншааллоҳ.
Hameed Maheta Dekha:
“Манчестер Сити”га барча эзгу тилакларимни тилайман.
Jeshi Dally:
Биз Чемпионлар лигасида ғолиб бўламиз.
Elizabeth Burdaky:
Қанчалик шикоят қилманг, ҳақиқий мухлис жамоасини қўллаб-қувватлайди.
Aaro Mug
Олға! Ҳусанов, буни уддалай олишингни биламан.
Emmanuz Ziro Pressure:
Яхши орзу, бизнинг энг яхши ҳимоячимиз.
LK Akha:
Сўзларинг менга ёқди, “жангчи” бола!
Kony Madson
Сен ҳозир “Сити”нинг энг яхши марказий ҳимоячисисан.
James Brotherton:
Ҳусановни яхши кўраман, ажойиб ҳимоячи.
Onyekachukwu Ibeh:
Мен бу йигитни яхши кўраман.
Ann Jenkins:
Бизнинг энг яхши ҳимоячимиз, аммо дарвозада ЖиЖи тургани ёрдам бермаяпти!!!!
Jacobo Eteru:
Вой, бу йигит зўр-ку!
Kazibora Boyvanny:
“Манчестер Сити”га омад!
Yung Richie:
Орзуинг амалга ошади, дўстим.
Festus Shegzy Omo Oba:
Аллоҳнинг марҳамати билан келаси йили Чемпионлар лигаси кубогини албатта қўлга киритамиз.
Chapachapa Achia Brathe:
Биз буни уддалай оламиз!
Raymond Ramshead:
Ҳусанов ҳар ҳафта марказий ҳимояда ўйнаши керак.
Wanyama Wanyama:
Ҳозирги “Манчестер Сити”нинг энг яхши марказий ҳимоячиси, бу борада ҳеч қандай баҳс йўқ.
Foden Junior:
Биз буни уддалай оламиз, биз “Сити”миз!
Travor Noar:
Биз Чемпионлар лигасида ғолиб бўламиз.
Bor Chieng Bichoik:
Олға, “Сити”!
Olima Nelson:
Биз ғолиб бўламиз, ҳа, ғолиб бўламиз ва сен ҳам асосий таркибда бўласан.
Itz Simmie Jr.:
Биз Ҳусановга ишонамиз!
Jacobo Eteru:
Нима бўлишидан қатъи назар, қалбимиздан абадий жой олгансан Ҳусанов!
Изоҳлар (0)