Мбаппе ПСЖга қарши шикоятини қайтариб олди, лекин 55 миллион евролик даъво қолмоқда

Ўтган ёзда "Реал"га ўтган ПСЖнинг собиқ ҳужумчиси аввалроқ ўзига руҳий босим ўтказилгани тўғрисида маълум қилган эди. Шунингдек, у Париж клубини 2023 йилда асосий таркибдан вақтинча четлатилгандан сўнг янги шартнома имзолашга мажбурлаганликда айблаган эди. Ушбу шикоят июнь ойи охирида тергов бошланишига сабаб бўлди.

"L’Equipe" нашрининг хабар беришича, Мбаппенинг ҳуқуқшунослари душанба куни шикоятни қайтариб олишди. Бироқ, ПСЖнинг ҳужумчига 55 миллион евро миқдоридаги қарзи бўйича суд жараёни ҳамон давом этмоқда.

Маълум қилинишича, Мбаппе ва унинг яқинлари ҳуқуқий масалаларни иложи борича тезроқ ҳал қилишга интилмоқда, токи ҳужумчи бутун эътиборини ўйинга қарата олсин деган мақсадда.