Моуриньо МЮ юлдузини "Фенербахче"га олиб келмоқчи!

"Фенербахче" бош мураббийи Жозе Моуриньо янги вингер талаб қилди ва унинг рўйхатида биринчи ном – Маркус Рэшфорд.

"Манчестер Юнайтед"да Рубен Аморим режаларига кирмаган 27 ёшли англиялик футболчи билан турк клуби алоқага чиқмоқда. "Т24" нашрининг хабар беришича, келаси ҳафта бошида клуб вакиллари ҳам футболчи, ҳам клуб билан музокара ўтказишади.

Туркия гранди Рэшфордни ижарага олиб, кейин 46 миллион еврога сотиб олиш ҳуқуқи билан келишув таклиф қилмоқчи.

Айтиш керакки, ҳозирда Рэшфорд МЮ билан умумий машғулотларга қўшилмаган ва ўтган мавсумнинг иккинчи ярмида "Астон Вилла"да ижарада тўп сурганди.