Кроос замонавий футболдаги ярим ҳимоячиларнинг ўрни ҳақида гапирди

Тони Кроос замонавий футболда ярим ҳимоячиларнинг ўрни катта эканлиги ҳақида фикр билдирди.

- Бир нарса аниқ: ярим ҳимоячи позицияси замонавий футболда ҳал қилувчи аҳамиятга эга, бунга ҳеч қандай шубҳа йўқ. Родри каби ўйинчининг жароҳатланишидан сўнг "Манчестер Сити"да юз берган вазиятни кўринг.

Масала шундаки, яхши ярим ҳимоячи ёки марказий ҳимоячининг қадри у йўқ пайтдагина билинади. У майдонда бўлганида, бу табиий ҳолат деб қабул қилинади, у гўё кўзга ташланмайди, гўё ҳамма нарса жойида, ва шунда ҳужумчилар ўйин натижаларини бемалол ҳал қила оладилар.

Фаолиятимни якунлаганимдан сўнг "Реал"нинг мухлисига айландим, бу ерда 10 йил ишлагандан кейин бу табиий ҳол. Мен ҳам, бошқа мухлислар каби, бу мавсумнинг осон кечмаганини кўрдим. Одамлар эса: "Ҳа, бунинг барчаси Тони Крооснинг йўқлигидан," деб айтишарди.

Мен эса фақат ҳамма нарса яхши бўлишини ва улар бундай гапларни тўхтатишларини хоҳлардим, - деди "Реал"нинг собиқ ярим ҳимоячиси.