Хави Симонсга АПЛнинг 3 та гранди қизиқмоқда

"РБ Лейпциг" ҳужумкор ярим ҳимоячиси Хави Симонснинг агентлари ёзда "Арсенал," "Челси" ва "Тоттенхэм" клублари билан футболчининг эҳтимолий трансфери бўйича музокараларни бошлади. Бу ҳақда Caught Offside хабар бермоқда.

Манбага кўра, нидерландиялик футболчи 60 млн еврога сотилиши мумкин. Симонснинг ўзи Англияга кўчиб ўтишдан манфаатдор.

Ўтган мавсумда Симонс барча мусобақаларда 33 та ўйинда майдонга тушиб, 11 та гол ва 8 та голли узатмани амалга оширди. Футболчининг клуб билан амалдаги меҳнат шартномаси 2027 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор нархи 70 млн еврони ташкил этади.