"Манчестер Юнайтед" Франция терма жамоаси ҳужумчисини нишонга олди

"Foot Mercato" нашрининг хабарига кўра, "Манчестер Юнайтед" раҳбарияти ПСЖ ҳужумчиси Рандаль Коло-Муанига жиддий қизиқиш билдирмоқда.

Манкуниянлар француз футболчисини марказий ҳужумчи ("тўққизинчи рақам") позицияси учун асосий номзод сифатида кўрмоқда ва у бўйича аллақачон сўров юборган.

Унга нисбатан қизиқишни "Ньюкасл" ҳам намоён қилмоқда. Клуб ҳужумчи вакиллари билан алоқага чиққан. Cабаби — жамоа етакчи тўпурари Александр Исакка бошқа клублар, жумладан Саудия Арабистони жамоалари қизиқиш билдирмоқда.

Шунингдек, ўтган мавсумнинг иккинчи ярмида Коло-Муани ижара асосида ўйнаган "Ювентус" ҳам уни тўлиқ сотиб олишдан умид узмаган.