Манчестерликлар суперҳужумчидан кейин яна учта футболчи олади

“Манчестер Юнайтед” мутасаддилари янги мавсум олдидан таркибини Брайан Мбемо билан кучайтириб олди. Манбаларнинг тасдиқлашича, Рубен Аморим жамоаси бу ҳужумчи учун “Брентфорд”га 70 миллион фунтдан кўпроқ маблағ тўлайдиган бўлди.

Daily Express нашри тарқатган маълумотларга кўра, манчестерликлар бу билан тўхтамайди ва яна уч нафар футболчи трансфери бўйича ишлайди.

Хусусан, клуб жароҳат олган асосий дарвозабон ўрнига “Антверпен”дан Сенне Ламменсни олиб келмоқчи. Бу посбон жамоага 17 миллион фунтга тушади.

Манчестерликлар “Брайтон” ҳимоячиси Первис Эступиньянни олиш бўйича музокараларни бошлаб юборган. Шунингдек, “Астон Вилла” тўпурари Олли Уоткинс ҳам “Юнайтед”га таклиф этилади.