Ҳусанов “Манчестер Сити” қароридан ранжийди, лекин...
Янги мавсум олдидан “Манчестер Сити” таркибини тартибга солиб олиши талаб этилади. Бош мураббий Хосеп Гвардиоланинг ўзи ҳам ихчам таркиб билан ишлашни маъқул кўриниши, ўйинчиларнинг захирада узоқ ўтириб қолишини истамаслигини айтди.
“Шаҳарликлар” таркибида авлодлар алмашинуви давом этмоқда. Бу жараёнда айрим янги ўйинчилар ҳам ўйин амалиётига эга бўлиш учун бошқа клубларга ижарага берилади.
“Манчестер Сити” фаолиятини ёритиб келаётган manchestercity.news сайти клубнинг трансфер сиёсати январда келган ўйинчилар – Витор Рейс ва Абдуқодир Ҳусановнинг дўстона муносабатларига қандай таъсир қилиши ҳақида ёзди.
Sports.uz портали ушбу мақолани ўзбекистонлик футбол мухлислари эътиборига ҳавола этишни маъқул топди.
- Абдуқодир Ҳусанов “Манчестер Сити”ни ким тарк этаётганини билиб, қаттиқ ранжиши мумкин. Ўзбек футболчиси ўтган мавсумда жуда яхши таассурот қолдирди.
Бош мураббий Хосеп Гвардиола Ҳусановнинг курашувчан характери, мураккаб вазиятлардан чиқиш қобилияти мақтовга лойиқ эканини таъкидлади.
“Ланс”нинг собиқ вакили футболчи сифатида замонавий футболга жуда мос. У жуда муҳим ҳисобланган тезлик, техника ва ўйинни ўқиш қобилиятини ўзида мужассам этган.
Абдуқодир мавсум давомидаги учрашувларда Александр Исак, Винисиус Жуниор ва Луис Диас каби топ-форвардларни тўхтата олгани бежиз эмас, албатта.
Ҳусанов Англияга ўзи билан бир вақтда келган Витор Рейсни ўзининг “Манчестер Сити”даги энг яқин дўсти, деб билади. Бироқ клуб бразилиялик футболчини келаси мавсум учун “Жирона”га ижарага жўнатаётганидан хабар топса, Абдуқодир ранжиши тайин.
Журналист Нил Соланинг таъкидлашича, “Жирона” шу ёз ёш бразилиялик ҳимоячини олиш учун бор имкониятини ишга соляпти. Испан клубига 19 ёшли марказий ҳимоячининг “иккинчи қават”да муваффақиятли ўйнай олиши ва тезкор ҳужум бошлаш маҳорати маъқул келган. “Жирона” бош мураббийи Мичел бу футболчи жамоанинг ўйин услубига юз фоиз мос эканини билдирган. Рейснинг ўзига бу вариант маъқул келди.
Қизиғи шундаки, Витор Рейс ва Абдуқодир Ҳусанов Англия келганидан бери инглиз тилини мукаммал билмаса-да, мунтазам ўзаро мулоқот қилиб келмоқда. Улар янги жамоада бир-бирига ўрганиб, суяниб қолган.
“Манчестер Сити” мухлислари Витор Рейс ижарага кетган тақдирда ҳам жамоанинг бошқа ўйинчилари Абдуқодир Ҳусановни ёлғизлатиб қўймаслигига ишоняпти. “Сити”да Родри, Рубен Диаш ва Эрлинг Холанд каби ёш ҳимоячини майдондан ташқарида ҳам қўллаб-қувватлашга тайёр футболчилар бор.
Бундан ташқари, бир неча тилларда эркин мулоқот қила оладиган Жереми Доку янги келганларнинг “Сити”га мослашиб кетишида доим кўмакчи бўлиб келади. Ҳусанов ўзини янада қулай ҳис қилиши учун Доку унга ҳам ёрдамлашишга тайёр.
Хосеп Гвардиоланинг ўзи ҳам футбол оламидаги энг зўр мотиваторлардан ҳисобланади ва Ҳусановнинг ўзига бўлган ишончи янада мустаҳкамланиши учун зарур сўзларни топа олишига шубҳа йўқ.
“Манчестер Сити” ўтган мавсум мухлислар ишончини оқлай олмади. Бу гал футболчилар хатони тўғрилаши лозим. Ҳусанов жамоанинг қайта оёққа туришида муҳим роль ўйнаши кутиляпти. Чунки “шаҳарликлар” ҳимоя чизиғи ўзбек футболчиси билан анча ишончли кўринади, - деб ёзди manchestercity.news сайти эксперти Сринивас Садхананд.
Эслатиб ўтамиз, “Манчестер Сити” Англия Премьер-лигасининг янги мавсумини 16 август куни сафарда “Вулверхэмптон” билан бўладиган учрашув билан бошлайди.
Файзуллаевнинг таъсири Шомуродовникидан ўтиб кетди
Тезкор: Файзуллаев ЦСКАдан кетди, кейинги манзил аниқ
Ўзбек футболчиси Лондоннинг энг қадимий клуби билан шартнома тузди
Файзуллаев бирорта ўзбек футболчиси эришмаган натижани қайд этди
Комментарии