“Реал”да 10-рақамни ким олади?

“Реал” мавсумлар оралиғида “Олтин тўп” соҳиби Лука Модрич билан хайрлашди. Хорватиялик футболчи Мадрид клубида 10-рақам эгаси эди.

Айни пайтда “Реал” мухлисларини 10-рақам кимга тегиши ҳақидаги савол қизиқтиряпти.

Бу масалага журналист Рамон Альварес де Мон ушбу машҳур рақамга қайси ўйинчи лойиқ экани ҳақида ўз муносабатини билдирди.

- “Реал”да 10-рақамнинг кейин эгаси Килиан Мбаппе бўлиши кутиляпти, - деб ёзди Рамон Альварес де Мон.

Килиан Мбаппе ПСЖдан “Реал”га кўчиб ўтганидан бери 9-рақамда тўп тепиб келмоқда. Илгари бу рақамда унинг ҳамюрти Карим Бензема ўйнаган.

Мбаппе Франция терма жамоаси сафида 10-рақамда ўйнайди. Шу боис, Модричдан кейин бу рақам айнан франциялик ҳужумчига берилиши мумкин.