"Барса"нинг янги футболчиси Фликни ҳайратда қолдирди

"Барселона"нинг янги аъзоси Руни Барджи клуб мураббийлар штабини ҳайратда қолдиришда давом этмоқда. Клуб бош мураббийи Ханс-Дитер Флик ва унинг ёрдамчилари швециялик вингернинг жисмоний ҳолатидан ҳайратда, дея хабар бермоқда Diario Sport. ҳозирда у 19 ёшли футболчи жамоа қароргоҳига ажойиб ҳолатда, аксарият жамоадошларидан бир неча қадам олдинда етиб келди.

"Барселона" Руни Барджини июль ойи ўрталарида Даниянинг "Копенгаген" клубидан 2,5 млн евро эвазига сотиб олганди. Ёш футболчи "кўк-анорранглилар" сафида мавсумолди дастлабки ўйинида гол уриб, Япониянинг "Виссел Кобе" жамоаси дарвозасини ишғол қилди (3:1). Ўртоқлик учрашуви якунлангач, Флик швециялик футболчини асосий таркибда ўйнатишни давом эттиришни режалаштираётганини айтди.