Ўртамиёна клублар 36 ёшли Роналдиньони катта футболга қайтармоқчи

Бразилия терма жамоаси ва “Барселона” клубининг афсонавий футболчиси Роналдиньо катта футболга қайтишга яқин турибди.

Роналдиньо 2015 йили футболчилик фаолиятини якунлаган эди. Бироқ 36 ёшли футболчига ўртамиёна клублар қизиқиш билдириб, уни футболга қайтармоқчи.

Айни вақтда футболчига “Куритиба” клуби қизиқмоқда. Жамоа Роналдиньога ойига 88 минг евро маош, уй ва соқчи таклиф қилмоқда. Аввалроқ унинг хизматларига Уругвайнинг “Насьональ” клуби ҳам қизиққанди.

Эслатиб ўтамиз, ўз вақтида Бразилия, Франция, Испания, Италия, Мексика чемпионатларида жавлон урган Роналдиньо 2015 йили "Флуминенсе" жамоасида еттита учрашувда қатнашгач, фаолиятини якунлаган эди.