Туркия олтинчи урунишда ҳам Россияни енга олмади

Бундан бироз аввал УЕФА Миллатлар лигаси доирасида Россия ҳамда Туркия терма жамоалари ўртасидаги учрашув ўз ниҳоясига етди. Қизиқарли кечган баҳс 2:0 ҳисобида русларнинг ғалабаси билан якунланди.

Эътиборлиси, ушбу терма жамоалар бу учрашувгача ўзаро 5 марта тўқнаш келишган ва шуларнинг 3 тасида русларнинг қўли баланд келган, қолган 2та ўйин эса дуранг билан якунланган эди.

Жамоаларнинг 6-тўқнашувида ҳам Туркия ғалаба қозонишни уддалай олмади ва ўзининг бу борадаги қора анаънасини давом эттирди.