"Айнтрахт"нинг 1 та футболчиси АПЛнинг 5 та клубини қизиқтириб қўйди

"Манчестер Юнайтед", "Ливерпуль", "Арсенал", шунингдек, "Вест Хэм" ва "Ноттингем Форест" клублари "Айнтрахт"нинг 25 ёшли марказий ҳужумчиси Омар Мармушга қизиқиш билдирмоқда. Бу ҳақда Caught Offside нашри хабар берди.

Манбанинг ёзишича, юқорида тилга олинган АПЛ клублари мисрлик футболчини жорий қишки трансфер ойнасидаёқ сотиб олиш таклифи билан чиқиши мумкин. Таъкидланишича, "Айнтрахт" Мармушни 30 миллион евро эвазига сотишга тайёр.

25 ёшли Мармуш жорий мавсум франкфуртликлар таркибида саккизта учрашувда қатнашиб, еттита гол урди ва бешта голли узатмани амалга оширди. Унинг “Айнтрахт” билан амалдаги меҳнат шартномаси 2027 йилнинг ёзига қадар имзоланган.

Трансфермаркт порталида берилган маълумотларга кўра, футболчининг бозор қиймати 22 миллион еврони ташкил қилади.