Илия Топурия Ислом Махачев билан жангга нима учун лойиқлигини айтди
UFC юлдузи Илия Топурия россиялик Ислом Махачев билан эҳтимолий жанг ҳақида гапирди.
"Агар UFC матчмейкерлари ҳаммага бошқа дивизионда чемпионлик учун кураш имконини берса, нега менга бермаслиги керак? Улар бу имкониятни Генри Сехудо, Конор Макгрегор, Жорж Сен-Пьер ва Жон Жонсга тақдим этди. Мен барча даврларнинг энг зўр жангчиларидан иккитасини нокаутга учратиб, камар учун жангга лойиқ эканимни исботладим" - деди Илия "REJ" You Tube каналига берган интервьюсида.
Эслатиб ўтамиз, Топурия охирги 2 та жангида Александр Волкановски ва Макс Холлоуэйни муддатидан аввал мағлубиятга учратди.
Comments