Илия Топурияга енгилмас жангчи қарши чиқди

Ярим енгил вазн тоифасида (65 кг) UFC рейтингининг тўртинчи рақамли жангчиси Мовсар Евлоев (19-0) UFC чемпиони Илия Топурия (16-0) билан жанг қилишни истамоқда.

“Айни пайтда енгил вазн тоифасига ўтишга тайёрланяпман. Менга чемпионлик камари керак эмас. Топурия ярим енгил вазнда мендан бошқа барчани мағлуб этди. Мен эса ундан кучли эканимни исботлаш учун енгил вазнга ҳам ўтиб, у билан жанг қилишга ҳам розиман" - деди Евлоев "Home of Fight".You Tube каналига берган интервьюсида.

Эслатиб ўтамиз, Илия Топурия тез орада енгил вазнга кўтарилишини маълум қилганди.