Илон Маск билан жанг учун Марк Цукербергга мураббий тайёр!

Куни кеча Марк Цукерберг ва Илон Маск ММА бўйича жанг ўтказишни режалаштираётгани маълум қилинганди. Енгил вазн тоифасида собиқ UFC  чемпиони Чарлз Оливейра (34-9) бу хабарга ўз муносабатини билдириб, Цукербергни бўлажак жангга биргаликда тайёргарлик кўришни таклиф қилди.

"Салом Марк. Кел дўстим бирга машғулот қиламиз. Тайёр бўлинг ва менга қўшилинг. Мен Вегасга учаман ва биз машғулотларни бошлашимиз мумкин ", -деб ёзди бразилиялик ижтимоий тармоқларда.

Маълумот учун, Чарльз Оливейра сўнги жангида Бенеил Дариушни (22-5) мағлуб этиб, яна бир бор чемпионлик жангида октагонга кўтарилиш имкониятини қўлга киритганди.