Исраэль Адесанья ҳам Ашраф Хакимидек йўл тутди

Исраэль Адесаньянинг собиқ севгилиси ундан 7,5 миллион доллар эмас, 500 минг долларгина ундира олди.

Аниқроғи, Адесаньянинг собиқ севгилиси Шарлотта Поудрелл Исраэлни судга бериб, унинг активларининг ярмини компенсация сифатида талаб қилди. Улар турмуш қурмаган ва фарзандлари ҳам йўқ эди. Шу билан бирга, Поудрелл Адесанья унинг шарофати билан буюк чемпион бўлганига ишонарди.

Бироқ Исраэлнинг онаси унинг барча молиявий ишлари билан шуғуллангани сабаб барча мол-мулк онасининг номида эди. Шу боис суд Шарлоттага фақатгина жангчида мавжуд бўлган барча жамғармаларининг ярмини, яъни 500 минг долларни тўлашни буюра олди, холос.

Эслатиб ўтамиз, марокашлик футбол юлдузи Ашраф Хакими билан ҳам худди шундай воқеа юз берганди.