Конор МакГрегор кейинги жангида ғалаба қозонса, камарга даъвогар бўла оладими?

Ярим ўрта вазн (77 кг) тоифасидаги UFC жангчиси Шавкат Раҳмонов(18-0) машҳур ирландиялик жангчи Конор МакГрегор(22-6) кейинги жангида ғалаба қозонса ҳам, чемпионликка даъвогар бўла олмаслигини таъкидлади.

"Тўғрисини айтсам, Конор яна жанг қилади, деб ўйламагандим. У анчадан бери машғулот ўтказди, аммо ҳозирча октагонга қайта олмади. Менимча, учта жангда битта ғалаба қозонган жангчига чемпионлик имконияти берилмайди. UFC энг яхши ва адолатли промоушен, шунинг учун улар ҳаммасини тўғри қилишига ишонаман”, – деб Шавкатнинг сўзларини келтирди Bloody Elbows портали.