Магомед Анкалаев: "Перейрани бир зарба билан ухлатиб қўяман"

Ярим оғир вазнда (93 кг) UFC рейтингида биринчи рақамли россиялик жангчи Магомед Анкалаев (19-1-1-1 N/C) амалдаги чемпион бразилиялик Алекс Перейра (12-2) билан эҳтимолий жанг ҳақида гапирди.

“Барча дўстларимга ваъда бераман, мен Перейрани бир зарба билан ухлатиб қўяман", — деб ёзди Анкалаев X (собиқ Twitter) ижтимоий тармоғида.

Эслатиб ўтамиз, "UFC 308" турнирида бўлиб ўтган сўнгги жангида Магомед австриялик Александр Ракични ҳакамларнинг якдил қарорига кўра мағлуб этди. Перейра эса "UFC 307" да америкалик Халил Роунтрини 4-раундда техник нокаутга учратди.